ਤਾਜਾ ਖਬਰਾਂ
ਗੁਜਰਾਤ ਦੇ ਪੰਚਮਹਿਲ ਜ਼ਿਲ੍ਹੇ ਵਿੱਚ ਸਥਿਤ ਪ੍ਰਸਿੱਧ ਪਾਵਾਗੜ੍ਹ ਸ਼ਕਤੀਪੀਠ ਦੇ ਮਹਾਕਾਲੀ ਮੰਦਰ ਤੱਕ ਲਿਜਾਣ ਵਾਲੇ ਮਾਲ ਰੋਪਵੇਅ ਅਚਾਨਕ ਡਿੱਗਣ ਕਾਰਨ 6 ਲੋਕਾਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ ਲਿਫਟ ਆਪਰੇਟਰ, 2 ਮਜ਼ਦੂਰ ਅਤੇ ਦੋ ਹੋਰ ਸ਼ਰਧਾਲੂ ਸ਼ਾਮਲ ਹਨ। ਸੂਤਰਾਂ ਅਨੁਸਾਰ ਰੋਪਵੇਅ ਦੀ ਤਾਰ ਟੁੱਟਣ ਕਾਰਨ ਟਰਾਲੀ ਉੱਚਾਈ ਤੋਂ ਹੇਠਾਂ ਡਿੱਗ ਗਈ।
ਸੂਚਨਾ ਮਿਲਦੇ ਹੀ ਪੁਲਿਸ ਅਤੇ ਫਾਇਰ ਵਿਭਾਗ ਦੀਆਂ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ ਅਤੇ ਤੁਰੰਤ ਰਾਹਤ ਕਾਰਜ ਸ਼ੁਰੂ ਕੀਤੇ ਗਏ। ਮੰਦਰ ਅਤੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਸੋਗ ਅਤੇ ਦਹਿਸ਼ਤ ਦਾ ਮਾਹੌਲ ਹੈ। ਪੰਚਮਹਿਲ ਕਲੈਕਟਰ ਨੇ ਘਟਨਾ ਦੀ ਪੁਸ਼ਟੀ ਕਰਦਿਆਂ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ ਹਰ ਸੰਭਵ ਸਹਾਇਤਾ ਦਾ ਭਰੋਸਾ ਦਿੱਤਾ।
ਪਾਵਾਗੜ੍ਹ ਵਿੱਚ ਦੋ ਵੱਖ-ਵੱਖ ਰੋਪਵੇਅ ਹਨ - ਇੱਕ ਸ਼ਰਧਾਲੂਆਂ ਲਈ ਅਤੇ ਦੂਜਾ ਸਿਰਫ਼ ਸਾਮਾਨ ਲਈ। ਇਸ ਹਾਦਸੇ ਵਿੱਚ ਮਾਲ ਰੋਪਵੇਅ ਡਿੱਗਿਆ। ਪ੍ਰਸ਼ਾਸਨ ਨੇ ਘਟਨਾ ਦੇ ਅਸਲ ਕਾਰਨ ਪਤਾ ਕਰਨ ਲਈ ਤਕਨੀਕੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
Get all latest content delivered to your email a few times a month.
